Gilangaw ang buhatan sa Commission On Election General Santos City sa unang adlaw sa pag File sa Certificate of Candidacy.
Kini human nga si Mr. Abeden Usop pa lamang ang unang kandidatu nga mipatala sa iyahang pangalan aron mulantad sa piniliay karong 2010 lokal election.
Kahibaluan nga nagsugod na ang filling sa Certificate of Candidacy ug muluntad lamang kini hangtod Disyembre 01 alang ngadtong gustong mupapili. Sa pamahayag ni City Election Officer Atty. Jose Villanueva sa Brigada News Philippines nga naniid pa ang ubang mga kandidato ug gilauman nila nga maghuot ug maglumba sa pag file sa ilahang COC ang ubang kandidatu usa ka adlaw una mahuman.
Dili pa usab karon makomperma ni Villanueva kung pila ka partido pulitikal ang musalmot sa lokal na renda sa piniliay gawas lamang sa partidong AIM ug partidong PCM.
Giawhag na usab karon sa Comelec ang ubang mga kandidatu nga hinay hinay ng mobisita sa ilahang buhatan ug dili na hulaton pa ang deadline.
Samtang andam na usab ang ilahang buhatan sa paghatag ug mga pormas alang ngadtong gustong mupapili. (EMIR BARIQUIT)