GIDUSO karon sa Philippine Movement Against Malaria nga sa tuig 2020, wala nay malaria sa Pilipinas ug kung duna pa man, gipaneguro kini nga wala nay mamatay sa maong sakit.
Kini ang gipamahayag atol sa ikaduhang Davao Regional Partnership furom for Malaria Eliminations nga gitambungan sa nagkadaiyang Health Sectors.
Ang Department of Health ug ang City Health Office, ang nagpakita kung unsa ang kahimtang sa rehiyon og sa dakbayan kalabot ang pag-atubang sa sakit nga malaria.
Matud sa opisyal, nindot nga ang pribadong sector ug publiko ang maghiusa aron makab-ot ang Malaria-Free Philippines.
Dili lamang kuno ang gobyerno ang adunay responsibilidad sa maong programa kon dili ang tibuok katawhan.
Gikalipay usab sa CHO nga adunay commitment ang maong kalihukan alang sa Davao region.
Nanawagan usab ang PMAM niadtong mga kompanya ug mga empleyado nga nagtrabaho sa lugar nga adunay epidemya, kinahanglan gayud nga pahibal-on sila kung unsa ang malaria og unsa-on kini paglikay.(Angel De Vera)