PATAY ang usa ka Mag-uuma human gidunggab samtang natulog sa mismong payag niini sa ilahang umahan sa Maco, Compostela Valley Province alas 3:00 kagahapon sa hapon.
Giila sa kapulisan ang biktima mao si Vergacio Conde, 51 anyos, minyo og residente sa maong lugar.
Sa imbestigasyon nasayran nga samtang gapahuway ang biktima sa iyahang payag kalit na lamang misaka ang 2 ka wala mailhing suspetsado og didto kalit na lamang kining gidunggab gamit ang usa ka kutsilyo.
Nakahiagom og 4 ka mga samad dinungaban ang biktima sa nagkadaiyang parte sa iyang lawas.
Sa maong panghitabo, paspas nga misibat ang mga suspek dihang nakumpirmang patay na ang biktima.
Dali sab nga mitawag og kapulisan ang mga kabanay sa biktima aron imbestigahan ang panghitabo.
Nagtuo ang kapulisan nga personal ang motibo sa pagpatay kang conde apan kabahin niini padayon pang ginaimbestigahan sa Comval PNP ang kaso aron mailhan sa dali nga panahon ang mga suspetsado.(Angel De Vera)