NAGPABILIN pa karon sa Davao Del Sur Provincial Hospital ang usa ka lalaki human gitigbas sa iyang ig-agaw ning nakalabay’ng adlaw diha sa San Jose, Sta. Maria, Davao Del Sur.
Ang biktima mao si Boboy Pangalawan, 46 anyos, minyo, samtang ang suspek nga iyang agaw mao si Jose Nabuan, hamtong ang edad, parehong molupyo sa nahisgutang lugar.
Base sa impormasyon nga nahagpat sa Brigada News gikan sa Sta. Maria PNP , nasayran nga ang biktima ug ang suspek aduna nay kanhing bangi.
Sa dihang nag-abot sila sa nahisgutang lugar, wala nay paglangang gitigbas gilayon sa suspek ang biktima tumong sa nagkadaiyang parte sa iyang kalawasan hinungdan sa hinanali niyang kamatayon.
Boluntaryong mitahan ang suspek sa Sta. Maria Police Station human sa insedente samtang gihatod ang biktima sa balay tambalanan ug gideklara sa mga mananambal nga anaa sa talandugong kahimtang.
Sa kasamtangan, nagtingkagol na sa presohan ang suspek samtang gi-andam na sa mga otoridad ang tukmang kaso nga ipasaka batok niini.(Roger G. Abelo)