PAGADIAN CITY- GIILOG sa mga tulisan ang wedding ring sa usa ka negosiyante nga nagbalor og kapin 30 mil pesos didto sa Zamboanga del Sur.
Giila sa mga otoridad ang biktima nga si Perlita Juete, 40, molupyo sa Barangay Culo, Molave sa maong probinsiya.
Sa inisyal nga imbestigasyon sa kapolisan nasayran nga giilog usab sa mga tulisan ang kulintas ug uban pang importanteng dokumento, alas 6:00 sa miaging gabii.
Matod sa report, sakay sa STX single motorcycle ang duha ka armadong mga lalaki human sa pagpanulis sa biktima.
Butyag sa biktima kalit lang siya gitiunan og pusil sa suspek dungan sa pagdeklarar og tulis. FBD