GILUSAD sa kasundalohan ang National Security Awareness Campaign batok sa mga rebelde didto sa dakbayan sa Butuan.
Nasayran gisalmotan sa gatusan ka mga residente sa Barangay Basag ning siyudad ang nasampit nga kalihokan aron ipahibalo sa katawhan ang hinimoan sa rebeldeng New People’s Army (NPA) sulod sa dugay nang mga katuigan.
Si 1st Lt. Herald Amarga, commanding officer sa 42nd CMO Company sa CMO Company 4CMP battalion, 4ID Philippine Army ang nangulo sa maong aktibidad.
Matod niya tumong sa maong kalihokan ang pagpahunong sa mga rebelde sa ilang pagpangilad, pagtorture sa huna huna sa katawhan, pagpang recruit sa mga menor de edad, pinugos nga pagpangolekta sa gitawag nga revolutionary tax ug pagpamatay sa gituohang mga informer sa kasundaluhan ug kapolisan.
Gikalipay sa kasundalohan ang gihatag nga kooperasyon sa katawhan kabahin sa maong kalihokan. FBD