DAVAO DEL NORTE- DAKONG kasubo ang gibati sa duha ka pamilya human nalumos ug namatay ang ilang mga anak.
Ang duha ka bata nalumos sa ilang pagpangaligo sa Panabo Wharf sa Barangay Cagangohan, Panabo City, niadtong Lunes sa hapon.
Ang mga biktima nailhang sila Chris Allen Maglasang, 4-anyos ug agaw nga si Vince Andrei Rodilla, 5-anyos.
Nalingaw sa pagpangaligo ang duha sa dihang kalit lang nangawagtang.
Ang lawas ni Chris Allen nakit-an alas 6:00 sa gabii pipila ka metros gikan sa ilang giliguan.
Gipahigayon usab ang search and rescue operations aron pangitaon si Vince Andrei apan wala makit-an.
Alas 7:00 na sa buntag niadtong Martes nakit-an ang lawas ni Vince Andrei pipila ka metros gikan sa lugar kung asa naligo ang mga nasangpit ug anaa na sa state of decomposition. (Joe Reyes)