TRAUMA ang nasinatian sa usa ka pulis nga nakaligis-patay sa 12 anyos nga tinun-an sa Balite Elementary School sa Barangay Baluan ning siyudad.
Kahibaluan nga si Police Inspector Rody Tallud, Deputy Station Commander sa Malapatan Police Station ang naglawig sa Buayan highway sakay ang usa ka patrol car nga usa ka Toyota Corolla Altis nga nagdala sa plaka numero SHJ 956 sa Malapatan PNP nga wala naka-uniporme.
Sumala pa nga sa dihang nahitabo ang pagbangga sa pulis ngadto sa bata nakita pa niini nga misiga ang mga mata ni Jerson Salmenang nga lisod mawala sa iyang panan-aw.
Gikarga pa sa pulis ang bata nga nagkadugo ug gihatod ngadto sa General Santos City Hospital nga nakabsan gihapon sa iyang kinabuhi una pa kini maabot sa balay tambalanan.
Gikwestiyon usab kung balido ang gihimo sa pulis nga pagbiyahe samtang wala ang iyang drayber sanglit confidential ang iyang lakaw.
Pipila ka oras nga gikustodiya si Tallud sa Traffic Control Division apan gi-areglo kini sa pulis pinaagi sa pagbayad ngadto sa mga ginikanan sa bata. (Roland Ortillano)