NAIROBI, Kenya- PATAY ang 17 ka tawo samtang daghan pa ang nabuta human makainom sa kontaminadong bino sa nasud Kenya.
Matud sa kapulisan, posibleng adunay sagol nga methanol ang giinom nga bino sa mga residente sa Kibera, Nairobi.
Naaresto na matud pa ang usa ka babaye nga gidudahang mihimo sa nasangpit nga ilimnon nga gitawag nga moonshine o mas nailhan sa Kenya nga changaa.
Sa pagkakaron padayong giimbestigahan sa mga otoridad kung unsang kemikal ang gisagol sa nasangpit nga ilimnong makahubog kung kini aksidenteng nakuha samtang giproseso o gihimo ang bino o gituyo sa pagsagol.
Nasayran nga sagad sa nga mahitabo ang kaso sa pagkahilo sa ilimnong makahubog sa Kenya kung asa kasagaran sa mga katawhan ang dili kayang mopalit og legally-made nga mga bino.