USA ka konsehal sa Panabo City ang miduso og resolution sa pagdeklara og Persona Non Grata sa lima ka mga tawo nga Anti-Aerial Spray Advocates.
Ang pagpasa sa resolusyon ang gidunganan sa gihimong rally sa mga trabahante sa sagingan.
Sa Session gahapon sa Sangguniang Panglungsod sa Panabo, nagpadayag og mensahe atol sa Privilege Hour si Councilor Manuel Yambao kalabot sa mga bakak sa mga Anti Aerial Spray advocate nga makadaut sa tawo ang kemikal nga gigamit sa pag-spray sa saging.
Subling gihisgutan sa mga anti- aerial spray advocate ug mga biktima nga dili diay tinuod nga nadaut sa kemikal ang mga nasangpit.
Gitumbok ni Yambao nga ang lima ka tawo nga nagpagula sa impormasyon kalabot sa kadaut nga makuha sa tawo ang gihimong basehan nga sila gideklarang ‘persona non grata’.(Angel De Vera)