NAGPAKITABANG na nagdto sa Kiblawan PNP si Rosalinda Uy, 29 anyos nga taga barangay Basiawan, Kiblawan, Davao Del Sur  ug inahan sa 3 ka mga batan-on nga nawala niadto pang nakalabay;ng adlaw.
Giila ang mga magsuon mao sila Aiza Uy, 8 anyos, Aileen, 5 anyos ug kinamanghoran nila nga si  Irish, 4 anyos ang panuigon kinsa missing hangtod karong panahona.
Sumala sa report  gikan sa Kiblawan Police Stataion nasayran nga pasado alas 12:00 sa udto niadtong March 07, 2010 hangtod karon pa wala makauli ang tulo ka mga batan-ong igsuon sa ilahang pinoy-anan hinungdan nga midangop kini sa kapulisan.
Gipanawagan karon sa inahan sa mga bata nga kung kinsa ang nakakita sa iyang mga anak gipamalihog niini nga i-report gilayon sa ilahang duol nga prisinto sa kapulisan.
Hinuon, nakig-alayon na karon ang Kiblawan PNP ngadto sa nagkadaiyang prisinto sa kapulisan sa Davao Del Sur lakip na usab sa  siyudad sa Davao aron masayran kung asa na kining mga bataa nahimutang.(Roger G. Abelo)