WALAY swerteng nakabsan sa iyahang kinabuhi ang usa ka 3 anyos nga batang lalake nga nahidangat sa Davao Medical Center Hospital (DMC)human nalumos alas 3:00 sa hapon diha sa Buhangin ning siyudad sa Davao.
Ang biktima mao si Clint Villarosa, 3 anyos nga lomolupyo sab sa nahisgutang dapit.
Subay sa entry blotter sa DMC, gibutyag nga gihulam sa ilahang kompare ang maong biktima ug gidala ngadto sa ilahang balay.
Apan wala kini mabantayang nahulog na diay kini sa lim-aw nga bahin hinungdan nga nalumos ang biktima.
Gisulayan pa kini ug dala sa balay tambalanan apan gideklara kining dead on arrival sa mananambal.
Kasamtanga’ng padayon pa kining giimbestigahan sa Buhangin PNP ang naasoy’ng hitabo.(Roger G. Abelo)