PATAY ang usa ka lalaki human napaakan sa cobra didto sa Brgy. Malalag, Digos City pasado alas 2:00 sa hapon kagahapon.
Giila ang biktima sa iyang mga kabanay nga si Rodelito Gayunga, 37 anyos ug molupyo sa maong lugar.
Matud sa imbestigasyon, samtang padulong si Gayunga sa balay sa iyang manghod sa pikas nga uma kalit na lamang kining gipaak sa usa ka cobra tumong sa iyang tuo nga tiil.
Gilayong gidala sa mga silingan ang biktima human kini natumba ug mikirig.
Tungod kay poisonous ang banakon, gideklarang ‘dead on arrival’ na ang biktima.
Nakit-an pa sa mga doctor ang pinaakan sa maong bitin.
Pahimangno na lamang karon sa mga doktor nga likayan ang paglakaw-lakaw ug pagsulod sa mga kalasangan ilabi na sa mga umahan tungod kay sa sobrang init nga nasinatian karon, tinggawas kini sa mga bitin.(Angel De Vera)