GIPASIDAN-AN ni Chief Supt. Danilo Empedrad director sa Police Regional Ofice (PRO-10) ang tanang mga pulitiko sa Northern Mindanao nga dili mohatag og sapi ngadto sa rebeldeng New Peoples Army (NPA) aron dili sila mogara.
Ang pamahayag giluwatan ni Empedrad human madawat ang report nga aduna matod pay ubang mga pulitiko sa rehiyon ang mihatag ngadto sa mga rebelde bugti sa ilang pagpangampanya sa usa ka posisyon.
Partikular nga gitumbok sa opisyal ang mga lugar kong asa nikampo ang rebeldeng grupo, ilabina sa mga probinsiya sa Bukidnon ug Misamis Oriental.
Hinuon, butyag ni Empedrad, padayon ang ilang kooperasyon ngadto sa kasundalohan sa paglusad og operasyon batok sa maong mga lakang.
“We are validating the report kong meron man,” butyag ni Empedrad.
Una niini, usa ka Unity Fun Run ang gilusad sa kapolisan, kasundalohan, Comelec, religious sector ug ubang pang concerned agencies gahapon.
Pinaagi niini si Atty. Reynato Magbutay, regional director sa COMELEC - 10 namahayag nga ang maong kalihokan misimbolo kung unsa kamatinud-anon ang gobiyerno ug ubang sektor sa katilingban sa pagkab-ot sa malinawon ug hinlo nga piliay ning tuiga. FBD

!