BALHOG sa Tinagacan Police Station ang usa ka seaman ug ang drayber niini human girape ang 15 anyos nga babaye.

Ang seaman giilang si Nelson Manuel, husto ang pangidaron nga taga Zamboanga samtang ang drayber giilang si Ariel Villavega, molupyo sa susamang dapit.
Ang biktima giila usab nga si alyas Rochellle (gitago ang tinuod nga pangalan) ug molupyo sa Purok 1 Tinagacan.
Mitambong ang mga suspetsado sa kasal sa kambal ni Manuel nga  paryente sa biktima sa nasangpit nga lugar ug samtang gipahigayon ang maong selebrasyon, gipasakay ni Ariel ang biktima sa usa ka van nga gipanag-iyahan sa seaman ug didto gilugos ang biktima.
Sa pakighinabi sa iyaan sa biktima gibutyag niini nga nakaikyas ang biktima ug midagan palayo apan 50 metros ang gilay-on gikan sa van nakuyapan ang biktima ug suwerteng nakit-an kini sa mga residente ug gilayon gitabang ang biktima.
Nasikop ang mga suspetsado pinaagi sa checkpoint sa RMG sa Apopong ning dakbayan.
Desidido karon ang kaparyentihan ug ginikanan sa biktima nga pasakaan og kaso ang mga suspetsado. (Noel Camotes)