COTABATO CITY– PADAYON pa ang gihimong imbestigasyon sa kapulisan sa pagkamatay sa usa ka bata og upat ang naangol tungod sa pagkabangga sa sakyanan sa mga biktima sa probinsiya sa Cotabato.
Matud sa report, namatay si Luis Malunes  samtang samaron ang iyang inahan nga si Ruby Malunes, ug mga kabanay nga silang Ronald Fernandez, Bernard Maglangit ug Lilibeth Fernandez, nga nagpuyo sa Barangay Poblacion, Esperanza, Sultan Kudarat Province.
Matud sa Cotabato Police Provincial Office, sakay ang mga biktima sa pick-up nga gimaneho ni Maglangit padulong sa Davao apan pag-abot sa Barangay Sikatulan, Makilala, kalit nga nibuto ang preno sa sakyanan hinungdan nga nabangga sa punuan sa  kahoy.
Gumikan sa kakusog sa pagkabangga, nalagpot ang mga biktima ug ‘dead on the spot’ ang bata nga si Luis.
Ang mga samaron giatiman na sa Davao Del Sur Provincial Hospital.(Joe Reyes)