SAGOL kamingaw ug kalipay ang gibati karon sa singer/actress nga si Agot Isidro.
Kini tungod bisan pa kung wala sila makabaton og anak hangtod sa pagkakaron sa iyang banang si Manu Sandejas apan nagpasalamat siya sa pagmahal nga gihatag sa iyang bana.
Giangkon ni Agot nga nagpailawom siya sa mga medical procedures human kanunay’ng mapakyas ang pagbuntis sa natural method.
“We did go through injections—those were hard—and I even underwent myomectomy,” matud pa ni Agot.
Ang myomectomy, usa ka operasyon kung asa gitangtang ang mga tumor nga kung tawagon mga fibroids gikan sa muscular wall sa uterus.
Magsilbi matud pang babag ang fibroids aron makaanak ang usa ka babaye.
Alang kang Manu,dili na niya ipausab pa sa asawa ang sakit ug kalisod sa mga operasyon aron lamang sila makaangkon og anak.