LOS ANGELES – PIPILA ka adlaw na lang og mahitabo na ang panagsangka tali nilang Manny Pacquiao-Joshua Clottey, mas samot pang milayo ang pustahanay alang sa Filipino champion.
Sa labing ulahing pustahanay anaa na sa -675 favorite si Pacquiao samtang  +475 alang sa Ghanaian boxer.
Nagpasabot nga ang mopusta og $675 sa welterweight champion ang makadaog lang og $100 samtang kung suwertihon  si Clottey ug mapildi si Pacquiao, ang $100 nga pusta modaog og $475.
Gawas niini, midaghan pa ang mipusta nga less than 9 rounds nga kadaugan ni Pacquiao.
Matud pa sa mga boxing aficionados mas modako pa ang ginta sa pustahanay kung mosulod na ang pusta sa mga Pinoy nga anaa sa Texas ug kasikbit nga mga dapit.
Ang Pacquiao-Clottey fight ipahigayon sa Cowboys Stadium, Arlington, Dallas, Texas.