KAMPALA, Uganda – GITUN-AN na karon sa panggamhanan sa Uganda ang pagbalhin sa kapin 500,000 ka tawo nga matud pa nabutang sa peligro ang kinabuhi tungod sa landslide.
Kini human sa nahitabong landslide sa nasangpit nga nasud niadtong miaging semana kung asa 350 ka tawo matud pa ang namatay.
Ang katunga sa milyons populasyon nga nabutang sa kakuyaw sa pagdahili sa yuta ang nagpuyo sa bukirang rehiyon sa Uganda.
Lakip matud pa sa angayang ibalhin ang mga nagpuyo sa Rwenzori mountains. Matud sa mga opisyal sa gobyerno, angayang magsilbing wake-up call ang nahitabong kalamidad.