HUGOT karong gibantayan sa weather bureau sa nasud nga mao ang Philippine Atmospheric Geophysical and Astronomical Services Administration (Pag-asa) ang posibilidad nga masinatian sa nasud ang heatwave.
Matud kang Nathaniel Cruz, spokesman sa Pag-asa, bisan dili pa masulti nga masinatian kini sa nasud, apan dii usab matud pa halayo ang posibilidad nga kini mahitabo.
Matud kang Cruz, dili usab kinahanglan ang sobrang kainit sa panahon aron masulti nga adunay ‘heat wave’ apan kung masinatian ang mas taas sa duha ka level sa Celsius sa kasarangang nasinatian nga kainit,possible kini mahitabo.
Subling gitino ni Cruz nga sa umaabot nga bulan sa Hunyo gilauman na usab ang pag-ulan sa kauluhan ug sa kasikbit nga mga lugar.