WALA pa mailhi ang patayng lawas sa usa ka lalaki nga napalgang naglutaw sa baybayon didto sa San Antonio, lungsod sa Jasaan, Misamis Oriental, gahapon.
Gibutyag ni SPO1 Reynaldo Talipan sa Jasaan Municipal Police Station, gibana-banang nagpangidaron og 30 ngadto 40-anyos ang nasampit nga biktima kinsa nagbuy-od na lamang daplin sa baybayon sa maong dapit.
Si Talipan nagkanayon nga posibling dili pa dugay ang patayng lawas nga napalgan sa usa ka mananagat nga si Marlon Maros.
Niadtong higayona namana matod pa si Maros daplin sa baybayon ug nakurat na lamang kini nga nitambad sa iyang atubangan ang usa ka patayng lawas.
Dugtong ni Talipan, basi sa ilang gihimong imbestigasyon wala silay nasutang samad dinunggaban ug bisan unsang samad sa lawas sa biktima.
Aduna matod kini gitas-ong 5’5 ug nagsul-ob og purol. Army cut ang buhok ug walay mga patik sa lawas.