‘DEAD ON ARRIVAL’ sa Davao Medical Center ang usa ka binilanggo sa Davao City Jail human misulay og pangilog sa armas sa usa ka Jail Guard.
Ang suspek giilang si Richard Angeles, 25 anyos.
Sa gihimong imbestigasyon sa kapulisan, nasayran nga nahitabo ang insidente pasado alas 4:00 sa hapon sa milabayng adlaw sa dihang nikatkat sa pader sa bilangguan ang suspek ug dunay usa ka jail guard nga nakakita kaniya.
Armado sa ice pick si Angeles ug dihang giilog ang Service Firearm ni Jail Officer 1 Regelio Go ug kaubang si Jail Officer 1 Paquito Iyaw, didto gitabangan ug pusil si Angeles tumong sa iyang likod.
Dugang pa sa kapulisan, adunay giatubang nga kasong murder si Angeles mao nga nabalhog kini sa  presohan.
Nag-wild kuno ang napatay nga pinireso ug gustong makagawas tungod sa iyang nahibaloan nga ang iyang asawa adunay laing lalaki nga gikarelasyon.(Angel De Vera)