NAGPAKITABANG sa kapulisan sa Fatima si alyas Bebing, 50 anyos molupyo sa Barangay Calumpang General Santos City gumikan sa paglayas sa iyang anak.
Saysay sa ginang, niadtong Enero 22, 2010 milakaw ang iyang anak nga si ‘alyas’ Mae, 14 anyos ug hangtod karon wala pa kini makauli.
Sa pagsusi sa inahan nakita niya ang iyang anak sa usa ka videoke bar nga makaplagan sa Barangay Fatima ning siyudad.
Dali dayon miresponde ang kapulisan sa Fatima aron makuha ang nasangpit nga batan-on apan sa dihang pag-abot nila sa videoke bar nakadagan na ang iyang anak.
Sa dihang nag-atubangay ang tag-iya sa bar ug inahan sa 14 anyos, nagkanayon ang tag-iya nga nangaply ang batan-on sa ilaha apan wala niini dawata ang nasangpit tungod kay menor de edad pa kini apan sige ug tambay ang batan-on kauban ang iyang mga higala sa maong lugar aron maglingaw-lingaw. (REX ANGGOT)