COTABATO CITY- PADAYON karon ang gihimong imbestigasyon sa mga otoridad ug paggukod usab sa mga suspetsado nga responsable sa pagpamanhig sa usa ka kandidato sa pagkakonsehal sa dakbayan sa Cotabato.
Matud sa report, nailhan ang namatay nga si Joseph Datuwala, samtang samdan ang duha ka anak sa nasangpit.
Pagawas sa balay ang mga biktima dihang gibanhigan sa mga suspetsado sakay sa motorsiklo ug gipamusil.
Nakahimo pa sa pagbalos ang biktima batok sa mga suspek apan nabugtuan kini sa kinabuhi.
Gilayong gidala sa hospital ang mga anak sa biktima nga naigo usab sa saag nga bala.
Matud ni Cotabato City police director S/Supt. Willie Dangane nga duha ka anggulo ang ilang gitun-an sa nahisgutang pagpamanhig nga mao ang negosyo ug pulitika.  (Joe Reyes)