NAKABSAN sa iyang kinabuhi ang usa ka igsuon samtang nag-inom kini kauban ang suspek.
Ang namatay nailhang si Elvin Blanelia samtang ang igsuon niini nga si Ronnie Blanelia, 25 anyos minyo sa Dona Soledad Subdivision Blk 2 Lot 4 Phase 1 ang kritikal sulod sa hospital tungod kay gipangluba sila sa mag-amahang Jay Medalla 20 anyos, Rommel, 24 ug ang amahan nila nga si Justino Medalla, 54 sa Golingan Mabuhay ning dakbayan.
Nasikop dayon sa kapulisan ang anak ug lain pang kauban niini.
Nag-inom matud pa ang mga nasangpit atubangan sa usa ka patigayon nga nahimutang sa Pendatun Avenue corner national highway ning siyudad sa Heneral Santos.
Igo sa dughan ang biktima gamit ang ice pick sa suspek nga maoy gikamatay niini samtang ang igsuon ang nakahiagom og samad-dinunggaban sa iyang tiyan.
Ang amahan nga suspetsado ang nagpabilin pang gawasnon.