PATAY na sa dihang narespondihan sa mga Barangay Tanod ug Civilian Volunteers sa Purok 10 Barangay Alegria, Alabel, Sarangani Province si Josephine Guedaben.
Ang 45 anyos nga biktima gitigbas ug gitusak-tusak sa pagdunggab gamit ang 26 pulgadas nga hinagiban sa iyang kaugalingong bana nga si Steve Guedaben, 59 anyos.
Alas 2:00 sa sayong kabuntagon gahapon nahitabo ang away sa duha tungod lamang sa selos. Sa pamahayag ni Senior Police Officer 1 Reyes, imbestigador sa Alabel Police Station, nagselos ang suspetsado sa dihang nagabhian sa  pagpauli ang biktima gikan sa iyang trabaho isip utility sa kapitolyo sa Sarangani.
Nakahiagom sa tulo ka mga samad tinigbasan ug dinunggaban ang biktima sa iyang baba, liog ug tiyan.
Boluntaryong mitahan sa Alabel Police Station ang suspetsadong bana human sa hitabo samtang nabawi sa mga CVO ug tanod ang 26 pulgadas nga hinagiban.
Kasong parricide ang atubangon nga kaso sa suspetsado. (EMIR BARIQUIT)