ARIES (Marso 21 - Abril 19)
Kung kinahanglan, maglikay sa pagpagawas og komento aron walay makaengkwentro. Hatagan og panahon ang bag-ong hilig nga mao ang pagsulat.

TAURUS (Abril 20 - Mayo 20)
Posibleng mabutang sa peligro ang kabtangan hinungdan nga mag-amping. Kinahanglan usab ang dugang pagkugi aron makab-ot ang pangandoy.

GEMINI (Mayo 21 - Hunyo 21)
Sersyosohon ang pakigrelasyon bisan kung wala pay disenteng trabaho. Kinahanglan ang suporta sa higala o kabanay alang sa nasangpit nga plano.

CANCER (Hunyo 22 - Hulyo 22)
Anaa sa imong kamot ang kaugalingong kapalaran. Kung napalpak sa unang pagsulay,dili kini ang ulahi, apan sinugdanan pa sa tanang pagpaningkamot.

LEO (Hulyo 23 - Agosto 22)
Posibleng mosulod ka sa usa ka kasabutan nga adunay kasayuran. Angayan usab mag-amping aron dili mailad.

VIRGO (Agosto 23 - Setyembre 23)
Mahimong bug-at ang imong paminaw tungod sa pagpasagad sa imong panglawas. Kung walay gibati nga lain sa lawas dili angayang magpatuyang sa bisyo.

LIBRA (Setyembre 24 - Oktubre 23)
Usa ka tawo ang moduol kanimo nga adunay ibutyag nga sekreto. Ang pagpangluod sa kabanay diha kanimo mawagtang na.

SCORPIO (Okt. 24  Nob. 22)
Ang gipangandoy nga matarong nga dalan, anaa lamang kanimo kung gustohon. Dili magpadala sa emosyon kung adunay kalibog sa hunahuna.

SAGITTARIUS (Nob. 23  Dis. 21)
Makaangkon og gamay’ng problema ang imong negosyo. Kinahanglan usab magtigom aron adunay magamit panahon sa kalisdanan.

CAPRICORN (Dis. 22 - Enero 19)
Maayo ang sulod sa kwarta kanimo karong adlawa. Apan dili angayang magpataka og gasto basin kung mahurot nga walay napalit nga butang.

AQUARIUS (Enero 20  Peb.18)
Sigurohon una ang mga detalye una pa modesisyon. Dili nimo mauyonan ang gipakitang kinaiya sa ka-partner hinungdan nga mo-react.

PISCES (Pebrero 19 - Marso 20)
Gamiton ang matam-is nga pahiyom aron mangdani sa ubang tawo. Matag tawo nga ma-estorya makuratan sa gipakitang kinaiya.