HUMAN sa malampuson nga  title defense ni  WBC lightweight champion Edwin Valero batok kang Antonio De Marco, gianunsiyo gilayon ni  Top Rank CEO Bob Arum ang sunod nga away sa unbeaten Venezuelan puncher.
Matud kang Arum, posibleng iatbang nila si  Valero kang  unbeaten WBO junior welterweight champion Timothy Bradley sa 140 pounds.
Kahibaluan nga una nang gipamugos ni Valero nga gusto niining makasangka si WBO welterweight champion Manny Pacquiao ug nakaandam nga mosaka og timbang aron magukod lamang ang Filipino ring icon.
“Valero is a very smart guy. He has a real goal. He wants to fight Manny Pacquiao and that’s the reason he went with us. But to fight Manny Pacquiao he has to prove himself at 140,” ang pagpaklaro ni Arum.
Aminado usab si Arum nga mibilib siya sa gipakitang abilidad ug kaabtik ni Valero sa ilang pagsangka ni De Marco niadtong Dominggo.
“He has balls, maybe too much balls. Valero showed that he has a lot more boxing skill than people thought. A fight between him and Manny would be f**king unbelievable,” dugang pa sa sikat nga boxing  promoter.