GIPAILA na sa kampo sa usa ka presidentiables  ang gikaingong mga ambassadress alang sa mga kabatan-unan.
Matud sa anak sa senador  nga si Camille Villar, napili nila si Sarah Geronimo tungod gawas sa sikat kini, buotan ug down to earth ug andam pang motabang.
Magsilbi ang singer/actress isip ambassadress sa KaTropa Movement, grupo sa kabatan-unan nga nag-endorso sa kandidatura sa nasangpit nga senador.
Tungod sa nasangpit, aduna matud pay campus tour si Sarah samtang nagrecord na usab og jingle sa senador nga  “Naging Mahirap”.
Giangkon sa singer nga wala na niya gitun-an ang nasangpit nga kanta tungod kusog ang recall sa nahisgutan.
Gikadugang ni Sarah nga dugay na usab nga gitanyag kaniya ang pagka-ambassadress sa KaTropa Movement ug gidawat niya tungod nagtuo matud pa siya sa advocacy sa nahisgutang kahugpungan bisan hangtod mahuman ang eleksiyon.