NEW YORK- MISAKA na sa 50 ka tawo ang patay sa nahitabong pagbusikad sa usa ka  power plant sa Connecticut, samtang padayong misaka ang ihap sa mga tawong nasamdan sa insedente.
Matud sa report, kinahanglan ang dugang helicopters, ambulansiya ug mga firetrucks aron mabakwit ang mga biktima.
Nahitabo ang pagbusikad sa Kleen Enery plant, usa ka gas-fired plant sa Middletown,  kung asa gibanabanaan nga adunay  40,000 ang populasyon.
“The reports vary from a few, several to possibly as many as 50 dead,” matud pa ni Brian Albert gikan sa Middlesex hospital.
Sa inisyal nga imbestigasyon, gikaingong nahitabo ang pagbusikad samtang nagpahigayon og repair works sa power generating systems sa planta.
Ang 620-megawatt Kleen Energy plant ang gikonsiderang usa sa labing dakong power facilities sa bahin sa Middletown, duol  sa Connecticut river.