Sa gihimong pagpanubay sa Nielsen, usa ka survey firm company, migawas nga si Senador Manny Villar maoy adunay pinakadakong gastos alang sa mga radio, tv ug newspaper advertisement sulod sa bulan sa Oktubre, Nobyembre ug Disyembre 2009.
Gilupig pa ni Villar ang mga dagkong kompanya sa nasud susama sa Monde Nissin Corporation, Herbs and Nature Corporation, Mead Johnson, Kraft Food, Asia Brewery ug San Miguel Corporation.
Villar ranked number 14 among the Top 20 national advertisers and the only individual on the list. Dili basta basta nga kantidad ang gibuhian ni Villar aron lang mapalapnag sa katawhang Pilipino ang iyang pangalan isip usa sa mga presidentiables.
Sulod lang sa tulo ka mga bulan, mikabat na sa P 543 MILYON ang nagasto sa senador diha lang sa advertisement sukwahi sa iyang nagasto niadtong milabay’ng tuig nga mokabat lang sa P 83 milyon. Ang maong kantidad nagrepresenta sa 551 percent sa pag-usbaw sa galastuhan ug maoy pinakataas nga usbaw ikumpara sa 20 ka mga top advertisers.
Ensakto ang gisulti ni Senador Mar Roxas nga ang pagtaas sa approval rating ni Villar sa pinakabag-ong survey sa Pulse Asia diin statistical tie sila ni Senador Noynoy Aquino, bunga sa makabubungog nga gasto ni Villar alang sa iyang mga advertisements.
The media exposure heightened public awareness which resulted to improvement of his ratings.With Villar ad spending, I felt some sort of inconsistencies and doubts.
Sa mga telebisyon radyo ug newspaper ads ni Senador Villar, gina-project ngadto sa mga katawhan ang mga kalisdanan, kapait ug kalisod nga iyang natagamtaman una pa kini nahimong bilyonaryo, congressman ug senador.
Demodo, gumikan sa “ sipag at tiyaga” dili taga ha, nakab-ot niya ang iyang estado sa kinabuhi. Imo rabang igasto ang kwarta nga imong gihaguan, gipatuluon og singot ngadto sa usa ka butang nga pwede nimo mahimo bisan dili ka presidente?
Ang P 543 MILYON nga nagasto sa senador gamay lamang nga porsiyento itandi sa iyang mga natabangan.Mas dako ang gasto sa iyang media exposure kaysa mga actual nga natabangan.
Sa atong nadunggan, 2 ka bilyon ka pesos ang giandam ni Villar alang sa iyang kandidatura sa pagka-presidente. Ang pangutana, asa man kini niya bawion? Usa siya ka negosyante nga gusto mahimong presidente. Ang mga negosyante profit oriented. Kanunay gina-isip, gihunahuna ang gitawag nga Return of Investment (ROI). Nan karon asa man kana niya kuhaa?
Namansahan na ang kredibilidad sa senador  gumikan sa C5 road project controversy diin mikita kini ug mitaas ang valuation sa iyang mga propedad tungod sa maong proyekto. Nakontrola ni Villar ang napulo ka mga senador nga dili motambong sa gipatawag nga en banc hearing sa senado kalabutan ang maong kontrobersiya.
Mismo si Senador Juan Ponce Enrile nagbutyag nga dunay pagsuway si Villar nga suholan siya aron lang dili mapagawas ang draft report sa imbestigasyon.
Hunahunaa baya ninyo nga ang korapsyon maoy nag-unang hinungdan nganong naglisod-lisod kitang mga Pilipino. Our country today needs genuine reform. Reform comes only with genuine and moral leaders.